Ова е втората година од спроведувањето на проектот „Граѓанските организации во служба на локалната демократија“. Денес, трите партнери: АЛДА Скопје, Европско движење и Здружение на финансиски работници, го одржаа третиот состанок на управниот одбор.

На 18 декември 2017, со почеток од 10 во ЕУ Инфо Центарот во Скопје се одржа конференцијата „Нови предизвици, нови перспективи за локалната демократија“. Конференцијата беше официјално отворена од страна на Амбасадорот на Франција, Н.Е. г Кристијан Тимоние  и заменик министерот за Локална самоуправа, г. Дејан Павлески. 

Европската асоцијација за локална демократија - АЛДА Скопје, Здружението на финансиски работници на локалните самоуправи и јавните претпријатија и Европското движење го спроведуваат проектот „Граѓанските организации во служба на локалната демократија“, финансирана од делегацијата на Европската Унија во Скопје преку ИПА програмата за финансиска поддршка на граѓанското општество и медиумите 2015.