Втората половина од предвидените форуми на тема „Финансиската и нефинансиската поддршка на граѓанските организации од локалните власти“ беа организирани во Велес, Гостивар, Струмица и Куманово од страна на Здружението на финансиски работници на локална самоуправа и јавни претпријатија – Велес во периодот од декември 2018 до фебруари 2019 година.

Институтот за стратешки истражувања и едукација – ИСИЕ, ги заокружи активностите на својот проект „Јакнење на капацитетите на граѓанските организации за остварување на правата на граѓаните за референдум на локално ниво“ со промоција на студијата „Како до поттикнување на непосредно учество на граѓаните за прашања од локален интерес“ на 26 февруари, 2019 година. 

Рурална коалиција и Општина Старо Нагоричане ја презентираа Стратегијата за локален економски развој на Општина Старо Нагоричане на 20.02.2019 година во просториите на општината. Како партнери на проектот “Локалната заедница и жителите заеднички ја креираат стратегијата за локален економски развој“, заедно работеа на изработката на стратегијата една година претходно вклучувајќи ги во процесот сите засегнати страни и локални чинители.