Форумот „Партнерството е клучно за локалната демократија: Нови начини на соработка помеѓу локалните власти и граѓанскиот сектор“ се одржа на 11 и 12 јуни 2019 година во Скопје.

На настанот учествуваа повеќе од 80 учесници и панелисти од различни сектори и разноврсни работни средини од Северна Македонија, Балканот и ЕУ. Учесниците дискутираа на темите: ефикасно партнерство помеѓу граѓанските организации и локалните власти; поддршка за граѓанските организации од страна на локалните власти; традиционални и нови начини на граѓанско учество; и локални партнерства преку меѓународна соработка кои поттикнаа дебата и различни релевантни размисли и размени помеѓу учесниците.

Главната порака пренесена за време на Форумот беше дека граѓанското општество е клучно во процесот на демократизација и е особено ефикасно и видливо на локално ниво. Претставниците од општините ги споделија позитивните резултати постигнати како резултат на соработката со граѓанските организации потврдувајќи го заклучокот и охрабрувајќи ги другите општини да ја реплицираат оваа практика.

Заедничкиот заклучок на учесниците на Форумот беше дека во сегашниот политички контекст во Европа граѓанското општество треба да се прилагоди и да практикува нови идеи бидејќи тоа е станато конститутивен дел од демокраските процеси и нивното одржување. Процесот на децентрализација преку повеќесекторско партнерство и меѓународна соработка беше идентификувана како најдобра мерка за да се постигне поскуваниот реултат.

Форумот беше организиран од страна на АЛДА Скопје во рамки на проектот „Граѓанските организации во служба на локалната демократија“ и е поддржан од страна на Европска Унија и Централно-европската иницијатива (ЦЕИ).