ИСИЕ го споведуваше проектот „Јакнење на капацитетите на граѓанските организации за остварување на правата на граѓаните за референдум на локално ниво“ 1 година на територијата на Општина Арачиново, Општина Бутел и Општина Гази Баба. ИСИЕ го креираше овој проект со цел зголемување на свеста за можностите за непосредното учество на граѓаните во донесувањето на одлуките, преку нивно изјаснување на референдум. Потребно е да бидат зајакнати капацитетите на граѓанските организации со цел тие да може да се јават како иницијатори за спроведување на референдум и да обезбедат соодветна мобилизација на граѓаните. Директни корисници на проектот се: 1) локалните граѓански организации во скопскиот плански регион, 2) граѓанските неформални групи и јадра, 3) граѓанските индивидуални активисти, 4) претставниците на општините; и 5) локалните медиуми.

Здружение на граѓани Центар за истражување и анализи НОВУС Струмица го спроведуваше проектот “Партнерството мотор на демократијата“ 1 година на територијата на Општина Струмица. 

Здружение центар за лековити билки и шумски плодови АМБРОЗИЈА го споведуваше проектот „Заедно за развој на општината“ 1 година на територија на Општина Пехчево. Здружението центар за лековити билки и шумски плодови АМБРОЗИЈА го креираше овој проект со цел да се зголеми учеството на јавноста во креирање на политики во Општина Пехчево.