Приказната на Западен Балкан продолжува додека земјите од регионот се приближуваат кон Европската Унија. Европа ја нуди својата поддршка на различни начини, преку предавања, работилници, настани, дебати итн.
Еден од тие настани е меѓународниот настан „Euroscepticism at the gates of Europe“ што ќе се одржи на 5 март во 10:00 часот по средноевропско време во Трст, Италија. Настанот ќе се фокусира на Евроскептицизмот, имиграцијата и односот меѓу Балканот и Европа.
Концептот на настанот е организиран како тркалезна маса со експерти на која може да се очекуваат интервенциите на:
• Партнери на проектот „EUscepticOBSERVE“
• Антонела Валморбида, генерален секретар на АЛДА, Франција
• Наташа Вучковиќ, Фондација Центар за демократија (ЦДФ) и член на Управниот одбор на АЛДА, Србија
• Емир Чориќ, претставник на општина Центар и член на Управниот одбор на АЛДА, Северна Македонија
• Зоран Јовановиќ, специјален советник на генералниот секретар на ЦЕИ, координатор на локалната димензија на ЦЕИ, извршен директор на Централноевропската иницијатива, Трст, Италија
• Роберта Алтин, вонреден професор по културна антропологија на Катедрата за хуманистички науки на Универзитетот во Трст, координаторка на Центарот за миграција и меѓународна соработка за одржлив развој, Трст, Италија
Настанот ќе продолжи со работилница (14:00-16:00) за давање практични препораки кои ќе бидат основа за креирање на манифест.
Како хибриден настан достапен за јавноста, заинтересираните лица можат да го проследат преку платформата ZOOM, откако ќе се регистрираат на следниот линк.
За време на настанот ќе биде достапен симултан превод на италијански и англиски јазик (со можност да се побараат и преводи на други јазици).
Повеќе информации можете да најдете на настанот на социјалната мрежа Facebook.
Настанот е организиран во рамките на проектот „EUScepticOBS: analyzing Euroscepticism, informing citizens and encouraging debates“, финансиран од програмата Европа за граѓаните, чија цел е да го поттикне европското граѓанство, а истовремено да ги подобри условите за граѓанско и демократско учество на ниво на Европската унија.