Центрите за регионален развој се основаат за вршење на стручни работи од значење за развојот на планскиот регион. За секој плански регион се основа Центар за развој на планскиот регион, а го основаат единиците на локалната самоуправа-општините што влегуваат во состав на планскиот регион. Центрите имаат својство на правно лице, а нивното работење се финансира од буџетите на единиците на локалната самоуправа што влегуваат во состав на планскиот регион. Седиштето на центарот за развој на планскиот регион е во единицата на локалната самоуправа со најголем број жители во планскиот регион.