Совет за рамномерен регионален развој е тело кое работи на поттикнување рамномерен регионален развој. Советот за рамномерен регионален развој е основан од Владата и со него раководи заменикот на претседателот на Владата на Република Македонија, задолжен за економски прашања. Членови на Советот покрај заменикот- претседателот на Владата задолжен за економски прашања, министрите кои раководат со министерствата за локална самоуправа, финансии, економија, транспорт и врски, труд и социјална политика, култура, животна средина и просторно планирање и земјоделство, шумарство и водостопанство, како и претседателите на советите за развој на планските региони и претседателот на Заедницата на единиците на локалната самоуправа (ЗЕЛС). По потреба во работата на Советот за рамномерен регионален развој можат да учествуваат и научни и стручни лица од областа на регионалниот развој.