Според јавно достапните податоци (од Централниот регистар), во моментов бројката на активни здруженија на граѓани е околу 4.650 здруженија. Значајно е да се напомене дека непосредно пред прогласувањето незавиосност во 1990 година според официјалните бројки се регистрирани 4.203 граѓански организации, но во 2010 година, пред донесувањето на новиот Закон за здруженија и фондации, нивниот број се искачи на 11.326 регистрирани организации. Во 2010 година, со донесувањето на Законот за здруженија и фондации, се условија сите организации на процес на пререгистрација, со што бројот на регистрирани граѓански организации значително се намали односно се стабилизираше на околу 4.650 здруженија. Најголем дел од здруженијата се регистрирани во Скопје, но не е мал бројот и на здруженија регистрирани и во другите како урбани така и рурални средини.