- Советот одлучува со мнозинство гласови од присутните членови, доколку со закон и со статутот на општината  не е поинаку определено. Гласањето на Советот по правило е јавно. Прописите кои се однесуваат на културата, употребата на јазикот и писмото на кои зборуваат помалку од 20% од граѓаните во општината, утврдувањето и употребата на грбот и знамето на општината, се усвојуваат со мнозинство гласови од присутните членови на советот, при што мора да има мнозинство гласови од присутните членови на советот кои припаѓаат на заедниците кои не се мнозинско население во општината. Советот може да заседава доколку на седницата присуствуваат мнозинство од вкупниот број членови на Советот.