На 19 април 2017 година, во канцелариите на АЛДА Скопје се одржа првата средба на партнерите во новиот проект „Граѓански организации во служба на локалната демократија“.

Здружението на финансиски работници, Европското движење и АЛДА Скопје ќе го реализираат проектот, кој има цел да го зајакне влијанието на организациите од граѓанското општество во јавните политики на локално ниво во земјава.

Проектот е финансиран од Европската унија, преку ИПА програмата за граѓанско општество и медиуми. Тригодишниот проект вклучува активности за поттикнување на соработката и размената на искуства помеѓу граѓанското општество и локалните власти во земјата.