Европското движење во Скопје беше домаќин на Управниот одбор на проектот „Граѓанските организации во служба на локалната демократија“ на 31 октомври 2017.

Партнерите од Европската асоцијација за локална демократија - АЛДА Скопје, Здружението на финансиски работници и Европското движење дискутираа за активностите кои се во тек и оние кои следуваат, меѓу кои се најавени и обуки, истражувања, меѓународни конференции и доделување финансиска помош за локални проекти во земјата.

Целта на проектот е да се поттикне соработка помеѓу граѓанските организации и локалната самоуправа преку активности кои ќе овозможат размена на искуства и вмрежување.

Проектот е финансиски поддржан од Европската унија преку ИПА програмата за поддршка на граѓанското општество и медиумите.