Ова е втората година од спроведувањето на проектот „Граѓанските организации во служба на локалната демократија“. Денес, трите партнери: АЛДА Скопје, Европско движење и Здружение на финансиски работници, го одржаа третиот состанок на управниот одбор.

Меѓу другото, тема на дискусијата беа активностите кои следуваат, што ќе бројат панел дискусии, локални и национални форуми и спроведување на истражување и регрантова шема.

Цел на проектот е да се поттикне соработка помеѓу граѓанските организации и локалната самоуправа. За таа цел, активностите овозможуваат вмрежување и размени на искуства.

Проектот е финансиски поддржан од Европската Унија преку ИПА програмата за граѓанско општество и медиуми.