Европската асоцијација на агенции за локална демократија – АЛДА, во рамките на своетот годишно генерално собрание, ја организираше Европската недела за граѓаните во градот Каен во Франција. Низа настани беа одржани во период од 15 до 17 мај 2019 год. на кои беа претставени различните проекти кои ги спреведува АЛДА и нејзината канцеларија во Скопје. 

Повеќе од 100 учесници од над 20 земји имаа можност да се запознаат со темата локална демократија и активно да учествуваат во панел дискусиите, дебатите и работилниците. Претставниците од граѓанските организации, локалната самоуправа и екперти имаа можност да се запознаат меѓу себе и да разменат искуства за активното европско граѓанство.

Овој настан беше одлучна можност да се промовира проектот Граѓанските организации во служба на локалната демократија и да се споделат досега остварените резултати.