Рурална Коалиција - Куманово го споведуваше проектот „Локалната заедница и општината заеднички ја креираат стратегијата за локален економски развој“ 1 година на територија на Општина Старо Нагоричане. Рурална Коалиција го креираше овој проект со цел да се овозможи подигање и јакнење на свеста кај граѓаните на општина Старо Нагоричане за потребата од нивно вклучување во процесот на донесување на одлуки на локално ниво, односно вклучување во локалната демократија каде се создаде локална активна платформа од сите чинители кои што продонесуваат кон развојот на општината.

ПЛАНИНАРСКИ КЛУБ ЉУБОТЕН - ТЕТОВО го споведуваше проектот “Жителите на шарпланинските села и граѓанските организации со заедничка соработка за придонес во развојот на планинскиот туризам во руралните средини на Општина Тетово” 8 месеци на територијата на Општина Тетово. Планинскиот клуб Љуботен го креираше овој проект со цел подобрување на соработката помеѓу граѓанските организации, локалната самоуправа и месното население за развој на руралниот и  планински туризам во шарпланинските села во Општина Тетово. Активностите се спроведуваа со дирекна посета во селата и едукативни средби со населението кои овозможија вмрежување на сите засегнати страни.

Младински совет Прилеп го споведуваше проектот „Креирање на Локална Младинска Стратегија во општина Крушево“ 1 година на територија на Општина Крушево. Младински Совет Прилеп го креираше овој проект со цел да придонесе кон подобрување на генералната состојба на младите во општина Крушево со создавање на Локална Младинска Стратегија во општина Крушево.

Здружение на граѓани ВЕЛЕС БАЈКИНГ го споведуваше проектот “Кампања за создавање на позитивни животни практики, здрави навики и вредности!” 1 година на територијата на Општина Велес, Општина Кавадарци и Општина Градско. Велес Бајкинг го креираше овој проект со цел подигање на свеста и создавање на здрави навики и вредности кај децата и возрасните, дефокусирање и оддалечување од современите технолошки уреди (телевизија, компјутери, мобилни) кои се премногу присутни во животот на најмладите, подигнување на свеста за позитивно влијание на физичката активност на отворено врз здравјето на луѓето, воведување во спортот на отворено преку игра, создавање на креативни, иновативни и комуникативни вредности кај децата, како и интеракција на мали и големи на отворен простор.