Главната цел на студијата е увид во механизмите за меѓусекторска соработка и дијалошки механизми на локално ниво и на таа основа да се донесат серија препораки за понатамошен развој на методологијата и транспарентен систем за финансиска и нефинансиска поддршка за граѓанските организации, на локално ниво. Ефективните, функционални и одржливи механизми за соработка се клучен предуслов за создавање на овозможувачка околина за активно учество на граѓанското општество и граѓанскиот активизам на локално ниво. Oвие начела, ги вклучуваат секако и основните принципи: почитување на човековите права и основните слободи, владеење на правото, почитување на основните демократски принципи, политичка ангажираност, јасни процедури, отворен простор за дијалог и поттикнување на услови за енергично, плуралистичко и одржливо граѓанско општество. Придржувањето кон овие принципи, како интегриралнина европските вредности и стандарди на добро владеење и демократско учество, може да се смета како доказ за напредокот кој е постигнат во рамките на процесот на реформи за интеграција во Европската Унија. Со оглед на улогата на локалните власти, нивните ингеренции преку кои се спроведуваат три четвртини од легислативата на Европската Унија и улогата на граѓанското општество како главен чинител, способен да го доближи овој процес до граѓаните, соработката помеѓу двата „природни“ партнери во остварувањето на реформите на локално ниво стануваат се поважни за веродостојна перспектива за пристап во ЕУ не само за Република Македонија, туку и за целиот Западен Балкан.

Издавач: Европска асоцијација за локална демократија - АЛДА Скопје
Автор: Кристина Хаџи-Василева, Билјана Цветановска Гугоска, Станка Парач Дамјановиќ 
Година на издавање: 2018