Локалната самоуправа е темел на модерната демократија. Не случајно се вели дека нема демократски политички систем без развиена локална самоуправа и локална демократија, оти демократијата извира од локусот во кој граѓаните живеат, работат, комуницираат, ги задоволуваат основните лични и колективни интереси и потреби, директно или преку локалните органи, како најблиски до нив.

Што се тоа отворени податоци? Врз кои принципи се засноваат отворените податоци? Каква е законската рамка? Кои се придобивките од отворените податоци? Кои се препораките за отворање на податоците во институциите? 

Одговорите на овие прашања можете да ги пронајдете во краткиот флаер подготвен од Фондација Метаморфозис во рамки на Проектот за граѓанско учество.

Што е добро владеење? Зошто е важно доброто владеење? Кои се петте клучни карактеристики на доброто владеење? 

Одговорите на овие прашања можете да ги најдете во публикацијата подготвена од Фондација Метаморфозис во рамки на Проектот за граѓанско учество.

Што е "Отворен град"? 
За да можат граѓаните да ги почувствуваат придобивките од отворените податоци, градовите во денешно време треба да прават многу повеќе од единствено отворање на своите податоци. Градските власти треба заеднички да работат со граѓаните и да ги користат отворените податоци за решавање на локалните проблеми и предизвици. 

Во последните дваесет години во нашата држава значително се зголемува улогата на граѓанските организации во процесот на развој на демократското општество, унапредувањето на нивото на демократија и квалитетот на животот на локално и национално ниво. Нивната успешност во реализирањето на овие цели во голема мера зависи од соработката со локалните власти и поддршката што ја добиваат од нив.