Центрите за развој на планските региони ги вршат следниве работи:
- изготвуваат предлог-програмата за развој на планскиот регион,
- изготвуваат предлог-акционен план за имплементација на Програмата за развој на планскиот регион,
- подготвуваат предлог-проекти за развој на планскиот регион и за подрачјата со специфични развојни потреби,
- ги координираат активностите поврзани со имплементацијата на Програмата за развој на планскиот регион и ги реализира проектите за развој на планскиот регион,
- подготвуваат годишен извештај за спроведување на Програмата за развој на планскиот регион,
- обезбедуваат информации до заинтересираните страни за текот на реализацијата на Програмата за развој на планскиот регион и други прашања поврзани со регионалниот развој,
- обезбедуваат стручна и техничка помош за единиците на локалната самоуправа при подготовката на нивните програми за развој,
- обезбедуваат стручни услуги на здруженија на граѓани и други заинтересирани страни за подготовка на проекти од областа на регионалниот развој,
- поттикнуваат меѓуопштинската соработка во рамките на планскиот развој,
- спроведуваат проекти за поттикнување на развојот на планскиот регион, финансирани од фондовите на Европската унија и други меѓународни извори,
- вршат промоција на развојните можности на планскиот регион и
- вршат стручни и административно-технички работи за потребите на советот за развој на планскиот регион.