Примарна цел на овој проект е унапредување на демократските процеси на локално ниво преку примена на корективни мерки и препораки во политиките на локалната власт заради засилено влијание на демократските процеси на национално ниво.Имајќи во предвид дека Општина Струмица е една од најјаките општини во државата, општина која со својот брз развој имплицира особено влијание во целокупниот разој на државата во сите сфери на општественото живеење, особено во демократските процеси а во таа насока и досегашните нејзини заложби да гради и практицира модел на граѓанско општество во кое сите ќе имаат еднакви можности , за нас како граѓанска организација ни беше мотив, низ еден зајакнат модел на партнерство помеѓу граѓанскиот сектор и локалната самоуправа, да потврдиме дека единствено оваа практика е мотор на демократијата.

Можности за развој постојат посебно во сферата на руралниот развој и алтернативниот туризам. Нашата општина располага со природни убавини и потенцијали, кои надополнети со подобра инфраструктура и прилив на инвестиции треба да придонесат кон подобар живот за населението во општината. Преку подобрување на условите за живот и работа на локалното население сакаме младите да останат во општината и тука да го градат својот живот.

Со оглед на тоа што планинскиот туризам преставува важен сегмент од целокупната туристичка активност со сериозен потенцијал и објективни можности, истиот во блиска иднина, ќе биде генератор на идниот локален туристички и економски развој на местата, селата под Шар Планина (рурални средини), нивно меѓусебно поврзување со креирање на патеки за планинарење, планиски велосипедизам, турно скијање и движење со дрезги (snowshoe). За сето ова, потребно е да се обезбедат, дефинираат цели, за единственост на регионот како туристичката содржина, со посебен акцент на руралните средини, предностите за развој на одредени места во овие средини и вредностите на Шар Планина.