Втората работната средба на работната група на проектот “Креирање на Локална Младинска Стратегија во општина Крушево”  беше реализирана во ОУ „Никола Карев“ – Крушево на 20.09.2018 година, и се одвиваше во позитивна и пријателски настроена атмосфера со придонес од секој од учесниците во работната група. Секој од учесниците беше подеднакво вклучен во исполнувањето на поставените задачи и секој од нив имаше свој удел во исполнувањето на крајните цели.

На оваа средба учесниците ги одредија главните цели за секоја приоритетна област, заедно вклучувајќи ги и специфични цели кои ја создадоа основата за поставување на конкретни мерки и активности во иднина, наменети за областите одредени како приоритетни од младите на Општина Крушево.

Учесниците уште од почетокот покажаа мотивираност и голем интерес за приоритетните области. Секој од учесниците имаше свој придонес во исполнувањето на целите за овој работен состанок, што само по себе зборува за продуктивноста и ефикасноста од средбата.

Проектот “Креирање на Локална Младинска Стратегија” во општина Крушево” е поддржан во рамките на шемата за регрантирање на проектот “Граѓанските организации во служба на локалната демократија”, спроведуван од страна на АЛДА, Европското движење на Р.Македнија, Здружение на финансиски работници на локалните самоуправи и јавните претпријатија и Локална самоуправа Велес.

Повеќе информации за регрантираните проекти на следната ВРСКА